एडिलेडमा देउसी भैलो नाईट , सुगम पोखरेलका साथमा

एडिलेड- कलाकार सुगम पोखरेलको साथमा अस्ट्रेलियाको एडिलेडमा देउसी भैलो नाईट कार्यक्रम हुने भएको छ । यही अक्टोबर २३ तारिखको दिन खुकुरी इभेन्टको आयोजनामा नेपाली चर्चित कलाकारको साथमा कार्यक्रम हुने भएको छ ।

नेपालीहरुको बसोबास धेरै रहेको एडिलेडमा तिहारको अवसर पारेर कार्यक्रम आयोजना गरिएको छ । नेपाली चाडपर्बको अबसर पारेर आयोजना गरिएको कार्यक्रममा नेपालबाट आएका कलाकारले थप मनोरञ्जन दिने भएका छन् ।

अक्टोबर २३ तारिखमा एडिलेडको fat controller मा हुने कार्यक्रममा अतिथी कलाकारको रुपमा सुगम पोखरेल, नबीन के  भट्टराई , आदेश पौडेल , डिजे शुसिल लगाएतले प्रस्तुती दिनेछन् । प्रतक्ष्य रुपमा अबलोकन गर्न सकिने कार्यक्रममा नेपाली मौलीक संस्कृतीको संरक्षण तथा बिदेशमा नेपाली पनको पहिचान का लागी देउसीभैलो खेलिने कार्यक्रम संयोजक संजिब बस्ताकोटीले जानकारी दिनुभयो ।

देउसी भैलो नाईट नाम दिईएको कार्यक्रममा जीनियस एजुकेशन एण्ड भिसा सर्भिसेज , कंगारु एजुकेशन एण्ड भिसा सर्भिसेज , फ्लाईट कनेक्ट , टेस्ट अफ नेपाल लगाएतले सहकार्य गरेका छन् ।