Skip to main content

Nirvik Khabar

नारायणी महोत्सवमा सोमबार कुमा सागर एण्ड द ख्वपाको कन्सर्ट हुने

Advertisements
Single Page Long - 2

चितवन । चितवनको नारायणगढस्थित नारायणी नदी किनारमा जारी दोस्रो नारायणी महोत्सव २०८३ मा भोलि मंसिर ७ गते चर्चित नेपाली सांगीतिक समूह कुमा सागर एण्ड द ख्वपाको विशेष लाइभ कन्सर्ट आयोजना हुने भएको छ । सोमबार साँझ ५ बजेपछि ९ बजेसम्म उक्त कन्सर्ट हुने जनाइएको छ ।

महोत्सवमा हरेक दिन नारायणी कला मन्दिर नारायणगढको विभिन्न प्रस्तुति तथा आदिवासी जनजातिको साँस्कृतिक प्रस्तुति समेत भइरहेका छन् । यसका साथै महोत्सवमा चर्चित गायिका समीक्षा अधिकारी, रचना रिमाल, गायक अशोक दर्जी, अर्जुन सापकोटा, कुलेन्द्र विक, बसन्त थापा, खुमन अधिकारी, बबिना किराँती, कुशल बेलबासे, टीका सानु, बिन्दु परियार लगायतका राष्ट्रिय कलाकारहरुको प्रस्तुति रहने आयोजकले जनाएको छ ।

महोत्सव अन्तर्गत मंसिर ७ गते हुने कन्सर्टलाई ‘चितवन म्युजिक फेस्टÚ नाम दिइएको छ । नदी किनारको खुला वातावरणमा लाइभ संगीतको आनन्द लिन सकिने आयोजकले जनाएको छ ।

महोत्सव परिसरभित्रको कन्सर्ट जोनमा प्रवेश गर्नका लागि साधारण टिकटको मूल्य ३०० रुपैयाँ र भीआईपी टिकटको मूल्य ५०० रुपैयाँ निर्धारण गरिएको छ । कार्यक्रमस्थलमै समेत टिकट उपलब्ध हुने जनाइएको छ । नेपाली मौलिक संगीत र फरक सांगीतिक शैलीका कारण युवा पुस्तामाझ लोकप्रिय कुमा सागर एण्ड द ख्वपाको प्रस्तुतिले महोत्सवको सांगीतिक माहोल थप उत्साहपूर्ण बनाउने अपेक्षा गरिएको छ ।

रेड रक इभेन्ट्स एण्ड म्यानेजमेन्ट प्रालिको आयोजना र आदिवासी महासंघ जिल्ला समन्वय परिषद् चितवनको सह आयोजनामा जारी दोस्रो संस्करणको नारायणी महोत्सव मंसिर १८ गतेसम्म चल्नेछ ।

यो खबर पढेर तपाईलाई कस्तो महसुस भयो ?
Array

Discussion about this post

सम्बन्धित समाचार

Related Posts

ताजा समाचार
यो पनि हेर्नुहोस