Nirvik Khabar

प्रधानमन्त्री, मन्त्री र जनप्रतिनिधिले निर्वाचनको प्रचार गर्न नपाइने, अरु के के छ आचारसंहितामा ?

काठमाडौं । आगामी मंसिर चार गते हुने प्रतिनिधिसभा तथा प्रदेशसभा निर्वाचनका लागि प्रधानमन्त्री, मन्त्री, मुख्यमन्त्री, प्रदेशमन्त्री र स्थानीय तहका जनप्रतिनिधिले निर्वाचनको प्रचार गर्न नपाउने भएका छन् ।

निर्वाचनका लागि निर्वाचन आयोगले प्रस्ताव गरेको आचारसंहितामा प्रधानमन्त्री तथा मन्त्री र स्थानीय तहका जनप्रतिनिधिहरु निर्वाचन प्रचारमा खट्न नपाउने व्यवस्था गरेको छ ।

प्रधानमन्त्री, बहालवाला मन्त्री र स्थानीय तहका जनप्रतिनिधि निर्वाचन प्रचारमा खटिँदा त्यसले प्रभाव पार्ने आयोगको ठहर छ ।
आयोगद्वारा प्रस्ताव गरिएको आचारसंहितामा प्रधानमन्त्री, मन्त्री तथा सार्वजनिक निकायमा रहेका पदाधिकारीले सार्वजनिक स्रोतसाधन र सम्पत्ति कुनै दल वा उम्मेदवारको पक्ष वा विपक्षमा हुनेगरी प्रयोग गर्न पाउने छैनन् ।

यसैगरी राजनीतिक दल वा उम्मेदवारले निर्वाचन चिन्ह अंकित ज्याकेट, कमिज, भेस्ट , टिसर्ट, टोपी वा क्याप, गम्छा, मास्क, लकेट वा अन्य कुनै किसिमको पहिरनजस्ता सांकेतिक सामग्री उत्पादन गर्न वा प्रदर्शन गर्न नपाइने व्यवस्था गर्ने आयोगको प्रस्ताव छ । दलहरुसँगको छलफलपछि उक्त आचारसंहितालाई अन्तिम रुप दिने आयोगको तयारी छ ।

यो खबर पढेर तपाईलाई कस्तो महसुस भयो ?
Array

Discussion about this post

सम्बन्धित समाचार

Related Posts

ताजा समाचार
यो पनि हेर्नुहोस