Nirvik Khabar

नेपाल तेक्वान्दोमा पदकविहीन, ब्याडमिन्टनमा विजयी शुरूआत

received_2129529764081875

१९औं एशियाली खेलकूद अन्तर्गत तेक्वान्दोमा नेपाल पदकविहीन बनेको छ। बिहीबार भएको ८० किलोमाथिको तौल समूहमा नेपालका ज्याकी यादव जोर्डनका खेलाडीसित पराजित भए। उनी २-० अङ्कले पराजित भएका हुन्। यादवको पराजयसँगै नेपाल सर्वाधिक आश गरिएको तेक्वान्दोमा पदकविहीन बन्न पुगेको हो।

तेक्वान्दोबाट ११ खेलाडी सहभागी थिए। यसअघि ४९ किलो तौल समूहमा अन्जली तामाङ र ६३ किलो तौल समूहमा गोविन्द आले पराजित भएका थिए।

सन् २००६ पछि नेपालले तेक्वान्दोमा पदक जित्न सकेको छैन। त्यसअघि भने नेपालले एशियाली खेलकूदमा तेक्वान्दोबाट एक रजत र १३ कांस्य प्राप्त गरेको थियो।

त्यस्तै, एशियाली खेलकूद अन्तर्गत ब्याडमिन्टनको टीम इभेन्ट्समा नेपालको पुरुष टोलीले विजयी शुरूआत गरेको छ। नेपालले मंगोलियालाई ३-१ सेटले पराजित गरेको हो। प्रिन्स दाहाल र सुनील जोशीको जोडी विजयी हुँदै क्वार्टरफाइनलमा प्रवेश गरेको छ।

विष्णु कटुवाल र प्रिन्स दाहालको जोडी पुरुष डबल्समा पनि विजयी भएको छ। महिला टीम इभेन्ट्समा भने नेपाल माल्दिभ्ससित ३-१ सेटले पराजित भएको छ। महिला डबल्समा नेपालकी रसिला महर्जन र अनुमाया राईको जोडी पराजित भयो।

Blue-Modern-College-Admission-Instagram-Post
यो खबर पढेर तपाईलाई कस्तो महसुस भयो ?
Array

Discussion about this post

सम्बन्धित समाचार

Related Posts

ताजा समाचार
यो पनि हेर्नुहोस