अन्तर माबी  स्तरीय टेबल टेनिस प्रतियोगिता गैंडाकोट १६ मा सुरु

गैंडाकोट- युनिक सेकेन्डरी बोर्डिङ स्कुलको आयोजनामा बिहीबार देखि खेलकुद प्रतियोगीता सुरुभएको छ ।  अन्तर माबी  स्तरीय टेबल टेनिस प्रतियोगिता गैंडाकोट १६ मा सुरुभएको हो ।

युनिक सेकेन्डरी बोर्डिङ स्कुलको आयोजनामा भएको खेलकुद प्रतियोगीताको गैंडाकोट खेलकुद बिकास समितिका अध्यक्ष लक्ष्मण कार्कीले उद्घाटन गरेका हुन । विद्यार्थीहरुको आन्तरिक क्षमतालाई प्रस्फुटन सँगै विद्यार्थीहरुको चौतर्फी विकासमा खेलकुदले मद्धत गर्ने भएकाले साेही उदेश्यका साथ आयोजना गरिएको प्रतियोगितालाई सफलताको शुभकामना दिए ।

खेलकुद प्रतियोगीताको उद्घाटन कार्यक्रममा बोल्ने वक्ताहरुले विद्यालयमा हुने यस्ता खालका प्रतियोगीताहरुले विद्यार्थीहरुको पढाईमा जागर आउनुका साथै उनीहरुको शारीरिक स्फुर्तिमा पनि विकास हुने कुरामा जोड दिएका थिए । १० बिद्यालय सहभागी प्रतियोगितामा एकल महिला टिम, एकल पुरुष टिम र डबल महिला पुरुष टिम बिच प्रतिस्पर्धा हुने छ । बिजयी हुनेलाई समापन समाराेहमा पुरस्कार प्रदान गरिनेछ ।