Nirvik Khabar

कोटिहोम महायज्ञको सवा करोड दीप प्रज्वलनमा हजारौँ भक्तजन सहभागी

received_2129529764081875

चितवन । नारायणी नदी किनारमा माघ १२ गतेदेखि जारी साङ्ग–विराट्–श्रीगायत्री कोटिहोम ज्ञानमहायज्ञमा शुक्रबार सवा करोड दीप प्रज्वलन गरिएको छ । महायज्ञको दीप प्रज्वलन कार्यक्रममा हजारौँ भक्तजन सहभागी भएका छन् । विभिन्न भक्तजन, आमा समूह, मन्दिर र सत्सङ्ग समूहले बत्तीको व्यवस्था गरेका थिए ।

दीप प्रज्वलन विश्व शान्ति र राष्ट्र कल्याणको लागि महत्त्वपूर्ण भएको महायज्ञ संयोजक एवम् श्रीगण्डकी–नारायणी संरक्षण महाआरती परिषद्का अध्यक्ष प्रेमनिधी भारद्धाजले बताए । बत्ती प्रज्वलन गर्नुअघि सवा करोड पटक हवन गरिएको उनले बताए ।

महायज्ञमा तर्पण र मार्जनको काम भने बाँकी छ । महायज्ञ फागुन १५ गते सकिँदै छ । बाँकी तीन दिनमा तर्पण र मार्जनको काम हुने उनले बताए । श्रीसनातन संस्कृति संरक्षण अभियान र श्रीगण्डकी–नारायणी संरक्षण महाआरती परिषद्को संयुक्त आयोजनामा महायज्ञका अध्येता एवम् राष्ट्र गुरु योगी नरहरिनाथलाई सम्झदै नदी किनारमा कोटिहोम महायज्ञको आयोजना गरिएको हो ।

Blue-Modern-College-Admission-Instagram-Post
यो खबर पढेर तपाईलाई कस्तो महसुस भयो ?
Array

Discussion about this post

सम्बन्धित समाचार

Related Posts

ताजा समाचार
यो पनि हेर्नुहोस