चितवनमा मोटरसाइकल र बलेरो ठोक्किदा जर्मन नागरिकको मृत्यु

चितवन-चितवनमा मोटरसाइकल र बलेरो गाडी एकआपसमा ठोक्किदा जर्मन नागरिकको मृत्यु भएको छ ।दुर्घटनामा मोटरसाइकल चालक जर्मन नागरिक ६० वर्षीय माइकल मेयर ओल्बर्सलेबेनको मृत्यु भएको जिल्ला प्रहरी कार्यालय चितवनका प्रवक्ता विजय पण्डितले जानकारी दिएका छन् । चितवन मेडिकल कलेजमा उपचारका ल्याइएका उनको इसीजी पश्चात अस्पतालले दिउँसो १२ः२५ मा मृत घोषणा गरेको थियो । उनको राहदानी नम्बर २४६३७८९५९ रहेको छ ।

यस्तै बलेरोमा सवार धादिङको गल्छी गाउँपालिका–५ का ७३ वर्षीय निरबहादुर तामाङको चितवन मेडिकल कलेजमा मध्यम अवस्थामा उपचार भइरहेको छ । प्रहरीले बलेरो चालक गोरखाका २१ वर्षीय साजन भुजेललाई नियन्त्रणमा लिएको छ ।

आज विहान सवा १० बजेको समयमा पृथ्वीराजमार्ग अन्तरगत इच्छाकामना गाउँपालिका–३ फिस्लिङमा नारायणगढबाट काठमाडौँतर्फ जाँदै गरेको ना ४१ प ५४८ नम्बरको मोटरसाइकल र विपरीत दिशाबाट जाँदै गरेको बागमति प्रदेश ०३–००१ च १६८२ नम्बरको बलेरो ठोक्किएर सडकबाट ५० मिटर तल त्रिशुली नदी किनारमा खसेको थियो ।