Nirvik Khabar

चितवनको जलबिरेमा ओभरटेक गर्न खोज्दा तीन ट्रक आपसमा ठोक्किएपछि….

received_2129529764081875

चितवन – चितवनको इच्छाकामना गाउँपालिका ६ स्थित नारायणगढ मुग्लिन सडकखण्डमा तीन ट्रक आपसमा ठोक्किदा दुई जना घाइते भएका छन् ।आज (शनिबार) बिहान १० बजे नारायणगढ मुग्लिन सडकको जलबिरेमा तीन ट्रक आपसमा ठोक्किएका हुन् । मुग्लिनबाट नारायणगढ तर्फ आउँदै गरेको ना ५ ख ९०५९, ना ६ ख ६८५ नम्बरको ट्रक र विपरित दिशाबाट जाँदै गरेको प्रदेश २–०३–००१ ख ६८२२ नम्बरको आपसमा ठोक्किएका हुन् ।

दुर्घटनामा परी प्रदेश २–०३–००१ ख ६८२२ नम्बरको ट्रकका दुई जना घाइते भएका छन् । घाइते हुनेहरुमा ट्रक चालक नुवाकोटको ककनी गाउँपालिका ७ बस्ने २३ वर्षीय दीपक सुनार र सह-चालक पर्साका ४२ वर्षीय असम मुनियन रहेका छन् । घाईतेलाई उपचारका लागि भरतपुर पठाईएको ईलाका प्रहरी कार्यालय मुग्लिनले जानकारी दिएको छ ।

प्रहरीका अनुसार मुग्लिनबाट नारायणतर्फ आउँदै गरेको ना ५ ख ९०५९ नम्बरको ट्रकले सोही दिशा तर्फ आउँदै गरेको ना ६ ख ६८५ नम्बरको ट्रकलाई घुम्तीमा ओभरटेक गर्दा खोज्दा दुर्घटना भएको हो । दुर्घटनाका कारण सडक एकतर्फी मात्रै सुचारु रहेको छ । ट्रक हटाएर दुबैतर्फी रुपमा बाटो खुलाउने प्रयास भइरहेको प्रहरीले जनाएको छ ।

Blue-Modern-College-Admission-Instagram-Post
यो खबर पढेर तपाईलाई कस्तो महसुस भयो ?
Array

Discussion about this post

सम्बन्धित समाचार

Related Posts

ताजा समाचार
यो पनि हेर्नुहोस