गैंडाकोट, जेठ ३, २०८३ — गैंडाकोटस्थित अक्सफोर्ड कलेज अफ इन्जिनियरिङ एण्ड म्यानेजमेन्ट (OCEM) अन्तर्गत सञ्चालित अक्सफोर्ड सेकेन्डरी स्कुलले कक्षा १२ का विद्यार्थीहरूको दीक्षान्त समारोह भव्य रूपमा सम्पन्न गरेको छ। गैंडाकोटको प्रसिद्ध द नारायणी रिसोर्ट मा आयोजित उक्त समारोह २०८२ ब्याचका विद्यार्थीहरूको सम्मान तथा बिदाइका लागि विशेष रूपमा आयोजना गरिएको थियो। समारोहमा कलेजका सञ्चालक समिति, प्राध्यापक, कर्मचारी तथा सयौं विद्यार्थीहरूको उत्साहजनक सहभागिता रहेको थियो। कार्यक्रममा विद्यार्थीहरूलाई सम्मानस्वरूप मायाको चिनो प्रदान गरिएको थियो भने उनीहरूको शैक्षिक यात्राको सफलताको शुभकामना व्यक्त गरिएको थियो।
कार्यक्रमलाई सम्बोधन गर्दै विद्यालयका प्रधानाध्यापक प्रो. डा. ई. हरी भण्डारी ले विद्यार्थीहरूलाई उज्ज्वल भविष्यको शुभकामना व्यक्त गर्नुभयो। उहाँले अक्सफोर्डले केवल शैक्षिक उपलब्धिमा मात्र नभई नेतृत्व क्षमता, नैतिक मूल्य, व्यक्तित्व विकास तथा व्यवहारिक ज्ञान विकासमा समेत विशेष जोड दिँदै आएको बताउनुभयो। साथै, आधुनिक प्रविधि र दक्ष शिक्षक टोलीमार्फत विद्यार्थीहरूको उज्ज्वल भविष्य निर्माणमा विद्यालय निरन्तर सक्रिय रहेको उल्लेख गर्नुभयो। समारोहमा विद्यार्थीहरूले प्रस्तुत गरेका प्रेरणादायी मन्तव्य, गीत–संगीत, सांस्कृतिक प्रस्तुति तथा नृत्यले कार्यक्रमलाई थप आकर्षक र उत्साहपूर्ण बनाएको थियो। सहभागी विद्यार्थीहरूले विद्यालयको शैक्षिक गुणस्तर, अनुशासन र विद्यार्थीमैत्री वातावरणको उच्च प्रशंसा गरेका थिए।
विद्यालय प्रशासनले विद्यार्थीहरूलाई उच्च शिक्षाको आगामी यात्रामा सफलताको शुभकामना दिँदै समाज र राष्ट्रप्रति जिम्मेवार नागरिक बन्न प्रेरित गरेको जनाएको छ। विद्यालयका अनुसार यस दीक्षान्त समारोहले विद्यार्थीहरूको शैक्षिक यात्रामा महत्वपूर्ण माइलढुङ्गाको रूपमा नयाँ उत्साह थपेको छ। यसैबीच, विद्यालयले आगामी शैक्षिक सत्रका लागि कक्षा ११ मा विज्ञान, व्यवस्थापन तथा होटल व्यवस्थापन संकायमा भर्ना खुला रहेको जानकारी दिएको छ। अनुभवी शिक्षक टोली, आधुनिक प्रयोगशाला, स्मार्ट कक्षा, अतिरिक्त क्रियाकलाप तथा उत्कृष्ट नतिजासहित गुणस्तरीय शिक्षा प्रदान गर्ने प्रतिबद्धता विद्यालयले जनाएको छ। विद्यालयले “उज्ज्वल भविष्यको सही गन्तव्य — अक्सफोर्ड सेकेन्डरी स्कुल” भन्ने नारासहित नयाँ विद्यार्थीहरूलाई गुणस्तरीय शिक्षासँगै व्यक्तित्व विकासको उत्कृष्ट अवसर प्रदान गर्ने विश्वास व्यक्त गरेको छ।
Discussion about this post