नवलपुरमा सर्पको टोकाईबाट एक बालिकाको मृत्यु

कावासोती । नवलपुरमा विषालु सर्पको टोकाईबाट एक जना बालिकाको मृत्यु भएको छ । गैंडाकोट नगरपालिका वडा नं; १६ अमरापुरीमा डेरामा बस्ने एक परिवारको ९ वर्षिया छोरी मनिसा आले मगरको ज्यान गएको हो ।

बुलिङटार गाउँपालिका स्थायी ठेगाना रहेको आले मगरलाई बुधवार बिहान करेट सर्पले डसेको हो। सर्पदंश भएको समयमै यकिन नहुँदा उनलाई तीन घण्टा पछि मात्र अस्पताल पुर्याइएको थियो ।

उनको समयमै उपचार हुन नपाउँदा ज्यान गएको हो । सर्प संरक्षण, उद्दार तथा सर्पदंश सम्बन्धि सचेतनाको अभियानमा लागेका देवचुलीका अश्विन ओझाले घटनाका बारेमा जानकारी दिदै अझै पनि सर्पदंश सम्बन्धि सचेतनाको कमी भएको बताए।