केराबारीमा गएको पहिरो पन्छाउन अझै केही घण्टा लाग्ने

चितवन । केराबारी भन्ने स्थानमा पहिरो जांँदा नारायणगढ मुग्लिन सडक अवरुद्ध भएको छ । आज बिहान ५ बजेर ५० मिनेटमा भरतपुर महानगर पालिका वडा नम्बर २९ केराबारीमा लेदोसहितको पहिरो जांँदा दुईतर्फी रुपमा सडक अवरुद्ध भएको हो ।

हाल उक्त स्थानमा अझै पानी परिरहेको र पहिरो झर्न नरोकिएकोले केही घण्टा लाग्ने जिल्ला प्रहरी कार्यालय चितवनले जनाएको छ । पहिरो पन्छाउने काम जारी राखिएको छ । केही दिन यता यो ठाउंँमा दिनुहुंँ पहिरो जांँदै आएको छ ।