चाँदीको भाउ निरन्तर उकालो, सुनको मूल्य पनि व्यापक वृद्धि

गएका दुई दिन लगातार घटेको सुनको भाउ आज व्यापक वृद्धि भएको छ। सुनको भाउ आज तोलामा ४४ सय रुपैयाँ बढेर ३ लाख २ हजार ९ सय रुपैयाँ पुगेको नेपाल सुनचाँदी व्यवसायी महासंघले जनाएको छ। सुनको भाउ हिजो तोलामा चारसय रुपैयाँ घटेर २ लाख ९८ हजार ५ सय रुपैयाँ कायम भएको थियो।

गएको आइतबार सुनको भाउ तोलामा १ हजार रुपैयाँ घटेर २ लाख ९८ हजार ९०० मा झरेको थियो।लगातार बढ्दै आएको चाँदीको भाउ आज पनि बढेको छ। तोलामा ३१० रुपैयाँ बढेर चाँदीको भाउ आज ५ हजार ६९५ पुगेको महासंघले जनाएको छ।हिजो चाँदको भाउ तोलाको ५ हजार ३४० रुपैयाँ थियो। विगत केही दिनदेखि चाँदीको भाउ निरन्तर बढ्दै आएको छ।

गएको माघ १५ गते एकैदिन तोलामा २० हजार पाँचसय रुपैयाँ बढेर सुनको भाउ तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो। त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।माघ १५ गते भने चाँदीको भाउ सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।