इच्छाकामनामा दुई ट्रक एकआपसमा ठोकिँदा एक घाइते

चितवन- नारायणगढ–मुग्लिन सडक खण्ड अन्तरगत चितवनको इच्छाकामना गाउँपालिका–५, तीन नम्बर पुलस्थित दुई ट्रक एक एकआपरमा ठक्कर खाँदा एक जना घाइते भएका छन् ।

आज (शनिबार) विहान ५ः५५ बजेको समयमा मुग्लिनबाट नारायणगढ तर्फ आउँदै गरेको ना६ख ७८०४ नम्बरको डिब्बा ट्रक र बिपरित दिशाबाट आई रहेको लु२ख ५६५४ नम्बरको ट्रक एक आपसमा ठक्कर खाएको थियो । दुर्घटनामा ना ६ ख ७८०४ नम्बरको डिब्बा ट्रकको चालक झापाको बुद्धशान्ती–३ बस्ने बर्ष ४० का मनोज धिमाल घाइते भएका छन् ।

खुट्टामा चोट लागेका उनको भरतपुरस्थित पुरानो मेडिकल कलेजमा उपचार भइरहेको छ । लु२ख ५६५४ नम्बरको ट्रक चालकलाई प्रहरीले नियन्त्रणमा लिएको छ । अहिले दुवै सवारी सडकमै रहेकाले एकतर्फी मात्रै बाटो संचालनमा रहेको छ ।