Nirvik Khabar

गाईको हत्यामा संलग्नलाई कारबाहीको माग गर्दै नारायणी किनारमा भदौं २३ गते धार्मिक सभा हुने

received_2129529764081875

चितवन, भदौ २१-

यही भदौं २३ गते नारायणी किनारमा गाईको रक्षाको लागि धार्मिक सभा हुने भएको छ । गोवंश (गाई) रक्षा अभियानले आज पत्रकार सम्मेलन गरेर चितवन, नवलपुर, तनहुँ र नवलपरासीका झन्डै ९० प्रतिशतभन्दा बढी ॐ कार परिवारको भावनाअनुसार सभा गर्न लागिएको बताएको हो ।

भदौं २३ गते शनिबार १२ बजे नारायणी किनारमा हुने सभामा नेपालका महत्वपूर्ण पीठका पीठाधीश, सन्त, महन्त, हरेक समुदाय र समूहलगायतको सहभागिता रहने जनाइको छ । गोवंश रक्षार्थ विशाल धार्मिकसभा प्रचारप्रसार उपसमितिका संयोजक प्रेमनिधि भारद्वाज र सभा मूल आयोजक समितिका संयोजक टंकनाथ पौडलले संयुक्तरुपमा जारी गरेको प्रेस विज्ञप्तिमा गाई हाम्रो राष्ट्रिय पहिचान भएकोले यसको संरक्षण सबैको दायित्व भएको जनाइएको छ ।

विज्ञप्तिमा भनिएको छ, ‘ देशका विभिन्न ठाउँमा गाईको हत्या गरी महाअपराध गरिएकोमा हामीले यो कार्यक्रम गर्न लागेका हौं ।’ विज्ञप्तिमा कानुनमा गौहत्यालाई अपराध माने पनि सरकारले गाईको हत्यामा संलग्नलाई कारबाही नगरेको आरोप लगाइएको छ । आयातीत धर्मको आडमा आज गोवंशलाई हत्या गर्नु मिलेर रहेका सबै नेपाली समुदायबीच बिखण्डन ल्याउने प्रपञ्च भएको विज्ञप्तिमा आरोप लगाइएको छ । ढिलो भए पनि सरकारको आँखा खुलोस् भनेर नारायणी नदी किनारमा सभा गर्न लागिएको आयोजकको विश्वास छ ।

Blue-Modern-College-Admission-Instagram-Post
यो खबर पढेर तपाईलाई कस्तो महसुस भयो ?
Array

Discussion about this post

सम्बन्धित समाचार

Related Posts

ताजा समाचार
यो पनि हेर्नुहोस