Nirvik Khabar

चितवनमा बाउन्सर राख्ने प्रचलन बढ्दै

निर्भीक खबर
निर्भीक खबर

चितवनमा मेला महोत्सव गर्नेको संख्यामा बृद्धि हुदै गएसंगै बाउन्सर राख्ने प्रवृति पनि बढ्दै गएको छ । विभिन्न क्लब र बलियुड सेलिब्रीटी हुँदै नेपाली सेलिब्रीटीहरुले आफ्नो सुरक्षाको लागि बाउन्सर राख्ने गरेको त हामिले सुनेको र देखेका हौ । तर चितवनमा भने मेला महोत्सवको सुरक्षार्थ पछिल्लो समय चितवनमा बाउन्सर राख्ने प्रचलन बढ्दै गएको हो।

चितवनमा दुई महिना भित्र तिनवटा महोत्सव भए तिनवटै महोत्सवमा गढि सेक्युरिटीले सुरक्षा प्रदान गर्यो । चितवनको गौरवको रुपमा रहेको चितवन महोत्सव, थारुहरु समुदायको बिच लोकप्रिय मानिने खिचरा महोत्सव र खैरहनी महोत्सवमा गढि सेक्युरिटीले बाउन्सर मार्फत सुरक्षा प्रदान गरेको हो। गढि सेक्युरिटीमा ११ सय जना आबद्व छन् ।

चितवनमा हुने मेला महोत्सवमा सहभागिता जनाउन आउने नेता कलाकार लगायत विभिन्न सामाजिक तथा राजनीतिक काममा सहभागि हुने मानिसहरुलाई सुरक्षा प्रदान गर्ने गरेको गढिका सुरक्षा कमाण्डर उदेन ठकुरी बताउनु हुन्छ । २७ वर्षीय ठकुरीले प्लस टु सम्मको अध्ययन गर्नुभएको छ । विगत दुई वर्षदेखि गढि सेक्युरिटीमा आबद्ध ठकुरी बाउन्सर प्रमुख हुनुहुन्छ । सुरुमा आफै तालिममा कराँते, जिम र भिभिआइपीहरुलाई कसरी सुरक्षितसँग बाहिर निकाल्ने ? झगडा भयो भने कसरी छुट्याउने ? चोट नलाग्नेगरी कसरी लक’ लगाउने ? लगाएतका विषयमा तालिम लिएर गढि सेक्युरिटीमा आबद्ध भएको बताउनु हुन्छ ।

सुरक्षा कमाण्डर ठकुरीको निगरानीमा ८० जनालाई बाउन्सर रहेका छन् । भिभिआइपि सेक्युरिटी दिन परेमा उहाँ स्वयम कमाण्ड गर्नुहुन्छ भने मन्त्री देखि कलाकारसम्मलाई आफुले सेक्युरिटी प्रदान गरेको उहाँ बताउनु हुन्छ । भिभीआइपीलाई सेक्युरिटी दिनु आफैमा चुनौतीको विषय रहेको बताउनु हुने ठकुरी अहिलेसम्म राम्रो प्रतिक्रिया आएको र विभिन्न कार्यक्रम मेलामहाेत्सवहरुबाट सम्मानित समेत भएकाे बताउनु हुन्छ । उहाँ मेला महोत्सवमा टिकटक र फोटो खिच्ने भिडले गर्दा थप चुनौति थपिने गरेकाे भन्दै भिभिआइपीहरु सुरक्षा प्रदान तर्फ सर्तक हुनुपर्ने बताउनु हुन्छ ।

whatsapp sharing button
messenger sharing button
sms sharing button
sharethis sharing button
0
VIEWS
प्रतिक्रिया दिनुहोस :

Discussion about this post

सम्बन्धित समाचार

Related Posts

ताजा समाचार
यो पनि हेर्नुहोस
No Content Available