आइतबार र सोमबार लगातार बढेको सुनको भाउ आज कति?

दुई दिनमा तोलामा तीन हजार रुपैयाँ बढेको सुनको भाउ आज स्थिर छ। चाँदीको भाउ पनि आज बढेको छैन।सुनको भाउ आज तोलाको २ लाख ८८ हजार ५ सयमै स्थिर रहेको नेपाल सुनचाँदी व्यवसायी महासंघले जनाएको छ। सुनको मूल्य सोमबार १४ सय र आइतबार १६ सय बढेको थियो। सुनको भाउ हिजो तोलाको २ लाख ८८ हजार ५ सय पुगेको थियो।

त्यसैगरी आज चाँदीको मूल्य पनि स्थिर छ।  चाँदीको भाउ आज ४ हजार ४ सय ४५ रुपैयाँमै स्थिर रहेको महासंघले जनाएको छ। गएको माघ १५ गते  सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।

त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।गएको माघ १५ गते चाँदीको भाउ तोलाको सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।