काठमाडौं । दुई वर्षदेखि स्थगित भएको कोरियन भाषा (ईपीएस) परीक्षा जेठ १९ गतेदेखि शुरु हुँदैछ । परीक्षा असार ३ गतेसम्म संचालन हुने जनाइएको छ । स्थानीय तहको निर्वाचनका कारण स्थगित भएको कोरियन भाषाको परीक्षा जेठ १९ गतेवाट सुचारु गर्न लागिएको हो ।
बैशाख २६ गते सञ्चालन हुने गरी यसअघि मिति तोकिएको भएपनि स्थानीय तहको निर्वाचनका कारण स्थगित भएको परीक्षा तीन सिफ्टमा सञ्चालन हुनेछ ।
वैदेशिक रोजगार विभाग अन्तर्गतको रोजगारी अनुमति प्रणाली शाखाका अनुसार दैनिक ६ सय परीक्षार्थीलाई परीक्षा दिन मिल्ने गरी विभागले तयारी गरिरहेको छ ।
कोरियन भाषा परीक्षामा उत्तीर्णहरुमध्ये ६ हजार ९ सय ९३ उत्पादनमुलक क्षेत्रमा र २ हजार ७ सय ४१ गरी ९ हजार ५ सय १३ नेपालीहरुलाई यसै वर्ष दक्षिण कोरिया पठाउने गरी परीक्षा लिन लागिएको हो ।वैदेशिक रोजगारका लागि आकर्षक मानिएको दक्षिण कोरियामा जानका लागि ४३ हजार भन्दा बढीले आवेदन दिएको विभागले जनाएको छ ।
Discussion about this post