हिजो तोलामा १४ सय घटेको सुनको मूल्यमा आज झन् धेरै गिरावट, चाँदी पनि सस्तियो

हिजो तोलामा १ हजार ४ सय घटेको सुनको मूल्य आज झन् धेरै घटेको छ। सुनको भाउ आज तोलामा ४ हजार ५ सय रुपैयाँ घटेर तोलाको २ लाख ७७ हजार ९ सयमा झरेको नेपाल सुनचाँदी व्यवसायी महासंघले जनाएको छ। हिजो सुनको भाउ तोालमा १ हजार ४ सय रुपैयाँ घटेर २ लाख ८२ हजार ४ सयमा झरेको थियो। गएको आइतबार सुनको भाउ तोलामा ४ हजार ७ सय रुपैयाँ बढेको थियो।

त्यसैगरी आज चाँदीको भाउ पनि घटेको छ। तोलामा २५ रुपैयाँ घटेर चाँदीको भाउ आज ४ हजार २ सय ८५ रुपैयाँमा झरेको छ। गएको माघ १५ गते पनि सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।

त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।माघ १५ गते चाँदीको भाउ तोलाको सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।