भिक्टोरियाले सबै पेशाहरूका लागि खोल्यो स्थायी बसोबासको ढोका

अष्ट्रेलिया । भिक्टोरिया सरकारले २०२२–२३ का लागि दक्ष बसाइसराइ कार्यक्रम खुला भएको बताएको छ।भिक्टोरिया र विदेशमा बस्ने आवेदकहरूका लागि खुला कार्यक्रमले दक्ष आप्रवासीहरूलाई भिक्टोरियामा स्थायी बसोबासको बाटो प्रदान गर्ने भिक्टोरिया सरकारले विज्ञप्ती मार्फत जानकारी गराएको छ।

सफल आवेदकहरूले भिक्टोरियामा ल्याउने सीपहरूले रोजगारदाताहरू र फराकिलो भिक्टोरियन अर्थतन्त्रलाई फाइदा पुर्याउने विश्वास गरिएको छ। कार्यक्रमले दुई भिसा मार्गहरू प्रदान गर्ने विज्ञप्तीमा उल्लेख गरिएको छ।

सरकारले विगतका वर्षहरू जस्तै, आवेदकहरूले पहिले रजिस्ट्रेशन अफ इन्ट्रेस्ट (ROI) पेश गर्नुपर्नेछ र त्यसपछि भिसा नामांकनको लागि आवेदन दिन प्रतिस्पर्धात्मक योग्यतामा छनोट गर्नुपर्ने जानकारी दिइएको छ।ROI पेश गर्नु अघि आवेदकहरूले सबै योग्यता आवश्यकताहरू पूरा गर्छन् भनि सुनिश्चित गर्नुपर्छ। ROI २०२३ को मे सम्म मुल्याङ्कन गरिनेछ।

सरकारले छनोट प्रक्रिया अत्यधिक प्रतिस्पर्धात्मक रहेको र २०२१-२२ कार्यक्रममा १५ हजार भन्दा बढी ROI पेश गरेको औंल्याएको छ। सरकारले २०२२-२३ को कार्यक्रमका लागि यसअघि छनोट नगरिएका आवेदकहरूलाई नयाँ ROI पेश गर्न पनि प्रोत्साहित गरेको छ।

तीस वर्षीय तन्मय झंवरले तीन दिनअघि मात्रै पीआर भिसा (स्थायी भिसा) पाएका थिए र त्यो प्रक्रिया पूरा भएकोमा उनी खुसी छन्। ‘मलाई ९ अगस्टमा भिसा दिइयो र अहिले मैले धेरै राहत पाएको छु। म आइटी क्षेत्रमा काम गर्छु र मैले गत वर्ष मेरो पिआरको लागि आवेदन दिएको थिएँ। त्यसैले मलाई विश्वास छ यदि राज्यमा अत्यावश्यक कामको आवश्यकता छ भने भिसा प्रक्रिया धेरै समय लाग्दैन।’ उनले भनेका छन्।

मेलबर्नमा बस्ने आप्रवासन विज्ञ नेहा सिंहका अनुसार यो वर्ष विज्ञान, प्रविधि, इन्जिनियरिङ्, गणित र चिकित्सा (एसटिइएमएम) जस्ता क्षेत्रहरूका आवेदकहरूलाई लक्षित गरीएको छ। गत वर्ष निमन्त्रणा पाउन नसकेका आवेदकहरूका लागि यो वर्ष ठूलो अवसर हो।

उनी भन्छिन् कि यो पहिले राज्यको मनोनयन आवश्यकताहरू पूरा गर्न नसक्ने व्यक्तिहरूको लागि पनि ठूलो अवसर हो। ‘यस पटक सीप स्तर १, २ र ३ मा भएका सबै पेशाहरू खोलेका छन्। तपाईंले काम गरिरहनु पर्छ र तपाईंले काम गरेको प्रमाण देखाउनुपर्छ।’ उनले भनेकी छिन्।‘मेरो विचारमा, सरकारले अझै पनि स्वास्थ्य सेवा, सामाजिक सेवा, एसटिइएमएम, उन्नत उत्पादन, शेफ, कुक, र प्रारम्भिक बाल्यकाल जस्ता केही पेशाहरूलाई प्राथमिकता दिनेछ।’ उनले थपिन्।